Madrid, 9 shkurt 2021 (MIA) – Sulmuesi i Atletiko Madridit Luis Suarez i shënoi dy golat për ekipin e tij në ndeshjen e mbrëmshme (2:2) me Selltën, në kuadër të xhiros së 22-të në La ligën spanjolle.
Suarez, 34 vjeç, e shënoi golin e tij të 16-të në kampionat në vetëm 20 paraqitje për Atletikon këtë sezon. Suarez kishte të njëjtin numër golash për tërë sezonin 2019/20, kur luajti për Barcelonën.
Atletiko Madridi është kryesuesi i tabelës në kampionatin spanjoll me 51 pikë nga 20 ndeshje, para Barcelonës dhe Real Madridit që kanë nga 43 pikë nga 21 ndeshje të luajtura. bs/bsh/