Madrid, 22 shkurt 2021 (MIA) – U bë e njohur se sa do të duhet të shpenzojë Real Madridi në transferime për sulmuesin të Pari Sen-Zhermenit Killian Mbape dhe për sulmuesin e Borusia Dortmund Erling Halland, shkruan “AS”.
Sipas gazetës spanjolle, Reali do të duhet të shpenzojë 852 milion euro për transferimin e dy lojtarëve. Kjo shumë do të duhet të jepet nëse lojtarët nënshkruajnë kontrata gjashtë-vjeçare me Real Madridin.
Shpenzimet për klubet e dy lojtarëve pritet të kushtojnë 300 milion euro, ndërsa për gjashtë vjet Reali do të duhet t’i paguajë 432 milion euro francezit, ndërsa 120 milion euro norvegjezit.
Këtë sezon Mbape luajti 30 ndeshje për PSZH-në, në të cilat shënoi 21 gola dhe bëri nëntë asistime. Halland shënoi 27 gola dhe shtatë asistime në 25 ndeshje për Borusia Dortmundin. bs/