Torino, 6 prill 2021 (MIA) – Juventusi ka vendosur të mos e vazhdojë kontratën me sulmuesin Paulo Dibalën.
Sipas gazetës “Kallço Merkato”, klubi i Juvenusit e tërhoqi propozimin e tij për të vazhduar bashkëpunimin. Vetë futbollisti dëshironte të qëndronte në Juventus me kusht që të merrte 10 milionë euro në vit.
Argjentinasi 27-vjeçar ka luajtur për klubin e Juventusit që nga viti 2015. Kontrata e tij me Juventusin zgjat deri në verën e vitit 2022.
Paraprakisht, menaxhmenti i klubit e pezulloi lojtarin për disa ndeshje për shkak të faktit se ai shkeli masat paraprake gjatë pandemisë së koronavirusit duke marrë pjesë në një aheng të mbushur me njerëz. bs/