Madrid, 19 prill 2021 (MIA) – Florentino Perez, president i Real Madridit dhe president i Super ligës së sapoformuar ka dhënë pritshmëri të mëdha me krijimin e garave.
“Do t’i ndihmojë futbollit në çdo nivel dhe do ta çojmë në vendin e merituar në botë. Futbolli është sporti i vetëm global me adhurues nga katër miliardë njerëz. Përgjegjësia jonë, përgjegjësia e klubeve të mëdha është të kënaqim nevojat e këtyre njerëzve”, ka thënë Perez.
Mbrëmë vonë u publikua se në Super ligë do të garojnë: Real Madrid, Barcelona, Atletiko Madrid, Milan, Arsenal, Çelzi, Inter, Juventus, Liverpul, Mançester Siti, Mançester Junajted dhe Totenhem si dhe tetë klube tjera që do t’i bashkëngjiten më vonë. fab/