Londër, 21 prill 2021 (MIA) – Kryetari i Asociacionit Evropian të Futbollit (UEFA), Aleksandar Çeferin, reagoi në një intervistë për Bi-Bi-Si ndaj vendimit të klubeve angleze për t’u tërhequr nga Super Liga Evropiane.
“Thashë gjatë Kongresit të UEFA-s që është në rregull të bësh gabime, dhe klubet angleze e bënë atë. Por tani ata janë kthyer, dhe mund të japin shumë jo vetëm për kupat evropiane, por për të gjithë futbollin evropian. Gjëja e rëndësishme tani është të ecim përpara së bashku”, tha Çeferin.
Formimi i Super Ligës Evropiane u njoftua më 19 prill me ekipet e Arsenalit, Çellzit, Liverpulit, Mançester Sitit, Mançester Junajtedit, Totenhemit, Real Madridit, Barcelonës, Atletikos, Milanit, Interit dhe Juventusit.
Pas tërheqjes së ekipeve angleze, sot menaxhmenti i Super Ligës Evropiane vendosi të suspendoj projektin. bs/