Nion, 10 maj 2021 (MIA) – Asociacioni Evropian i Futbollit (UEFA) do të “vendos” më së voni deri të mërkurën nëse ndeshja finale në Ligën e Kampionëve do të luhet në fund të majit në Stamboll, siç është planifikuar, ose do të transferohet në Londër për shkak të përkeqësimit të gjendjes shëndetësore në Turqi në lidhje me Kovid-19.
Bi-Bi-Si lajmëroi këtë pasdite se drejtuesit e UEFA-s, Federata e Futbollit të Anglisë dhe autoritetet në Londër do të zhvillojnë sot takim virtual për të diskutuar opsionet për finalen e planifikuar për 29 maj.
Qeveria britanike javën e kaluar e vendosi Turqinë në një listë të kufizuar të udhëtimit për shkak të koronavirusit që ka nxitur spekulime për zhvendosje të mundshme të finales angleze midis Çellsit dhe Mançester Siti në stadiumin “Uemblli” në Londër. bs/