Barcelonë, 8 gusht 2021 (MIA) – Sulmuesi Lionel Mesi i mblodhi lojtarët e Barcelonës dhe familjet e tyre në darkë lamtumirëse, transmeton “Marka”.
Sipas medias sportive spanjolle, tek argjentinasi kanë ardhur Serhio Aguero, Serhio Buskets, Zherar Pike, Zhordi Alba. Nëse edhe ndonjë nga futbollistët e klubit katalonas ka qenë i pranishëm, nuk kumtohet.
Marrëveshja e Mesit me Barcelonën skadoi më 1 korrik. Klubi më 5 gusht publikoi se nuk do të ripërtërihet.
Lojtari tridhjetë e katërvjeçar me siguri karrierën do ta vazhdojë në Francë si lojtar i Pari Sen-Zhermenit. Sipas paralajmërimeve Mesi duhet të nënshkruajë kontratë dyvjeçare me mundësi vazhdimi për edhe një sezon. Paga e Mesit në PSZh do të jetë rreth 50 milionë euro në vit, përfshirë edhe bonuse.