Paris, 10 nëntor 2021 (MIA) – Pa dallim nëse Karim Benzema do të shpallet fajtor për shantazh të Matje Valbuenës, ai nuk do të përjashtohet nga reprezentacioni i Francës. Këtë e ka bërë të ditur njeriu i parë i Federatës futbollistike të Francës, Noel Le Gra në intervistën për “Le Parisien”.
Në tetor u bë e ditur se prokurori ka kërkuar nga Benzema të marrë dënim me kusht prej 10 muajsh dhe dënim në para prej 75.000 euro. Dënimi maksimal që mund ta pësojë Benzema është pesë vite burg.
Sipas hetimit, 33 vjeçari dyshohet se në vitin 2015 ka vepruar si ndërmjetësues duke nxitur Valbuenën të paguajë zhvatësit të mos publikojnë video intime me pjesëmarrje të një ish lojtari të Dinamos.
Dy lojtarët morëm ndalesë për pjesëmarrje në kombëtaren e Francës për shkak të situatës me shantazhin, por Benzema gjatë këtij viti u kthye në ekip. fab/