Milano, 14 janar 2014 (MIA) - Rossonerët e shkarkuan Massimiliano Allegrin dje pas rezultateve të dobëta, ndërsa vendin e tij e zë holandezi 37-vjeçar, i cili ka luajtur dhjetë vite me fanellën kuqezi.
Seedorf është pensionuar si futbollist i Botafogos, pasi që sipas një pike në kontratën e tij, ai kishte të drejtë të tërhiqet.
"Jam këtu për të njoftuar se po pensionohem pas 22 vitesh. Ka qenë një vendim i vështirë, por jam i kënaqur me atë që kam arritur në karrierën time", u tha Seedorf gazetarëve, transmeton Telegrafi.
Më pas ai konfirmoi: "Po, do të jem trajner i Milanit".
Mesfushori e ka fituar Ligën e Kampionëve dy herë me Milanin (2003 dhe 2007), ndërsa garën prestigjioze evropiane e ka fituar edhe me fanellat e Ajaxit (1995) dhe Real Madridit (1998).
Gjatë karrierës, ai ka bartur edhe fanellën e Interit dhe Sampdorias.
Milani aktualisht mban vendin e 11-të në tabelë dhe është në pozitë që mund t’i rrezikohet qëndrimi në Serie A.