Gostivar, 20 gusht 2014 (MIA) - KF Gostivari ka përforcuar ekipin edhe me një futbollist. Bëhet fjalë për futbollistin e repartit të sulmit, Gjorgji Markov i cili është transferuar nga ekipi i Sileksit.
"Markov është një sulmues 23 vjeçar me përvojë i cili ka luajtur në ekipin e Sileksit dhe Bellasicës. Debutimi i tij në ekipin e Gostivarit pritet të bëhet në ndeshjen e së shtunës kundër ekipit të Makedonija Gjorçe Petrovit", tha trajneri i Gostivarit, Mensur Jakupi.
Ekipi i Gostivarit sot në kuadër të 1/16 të Kupës së Maqedonisë në futboll, do të luaj kundër ekipit të Novacit si mysafir. Trajneri Jakupi pret që Gostivari ta kaloje këtë fazë të Kupës, thuhet në kumtesën e KF Gostivari.