Birmingham, 21 tetor 2014 (MIA) - Manchester Unitedi i ka shpëtuar humbjes nga West Bromwich Albion duke barazuar në minutat e fundit me rezultatin 2:2.
Zhvillohej minuta e tetë në The Hawthorns, kur ekipi nikoqir kaloi në epërsi përmes Stephane Sessegnon. Me këtë rezultat u mbyll fraksioni i parë i lojës.
Në minutat e para të gjysmës së dytë, mysafirët barazuan. Porsa u angazhua në lojë Marouane Fellaini në minutën e 48-të e barazoi rezultatin.
Megjithatë, ekipi vendas e riktheu avantazhin. Saido Berahino shtoi telashet e Djajve të Kuq (66’).
Pas presionit të madh, Unitedi në minutën e 87-të përmes mbrojtësit Daley Blind arriti ta shënojë golin dhe ta barazojë sërish rezultatin.
Mesfushori shqiptar që mbron ngjyrat e Belgjikës, Adnan Januzaj, u angazhua nga minuta e parë në këtë takim dhe e zhvilloi gjithë ndeshjen.
Manchester Unitedi është në vend të gjashtë në tabelë, me 12 pikë, një pikë larg vendit të katërt, të cilin e mban West Hami.
Lider në ligën Premier është Chelsea me 22 pikë, para Manchester City-t me 17 pikë.