Kinezët shpikin mrekullinë e radhës, autobusi që "fluturon" mbi makina (video)Të ngecësh në trafik mund të jetë një nga gjërat më të bezdisshme teksa udhëton rreth qytetit me autobus. Por inxhinierët në Kinë, vendi me popullsi më të madhe në botë, kanë gjetur një zgjidhje për t’u shpëtuar problemit të trafikut.
Ata kanë prezantuar projektin e një autobusi shumë të veçantë, që do të mbajë më tepër se 1.200 pasagjerë dhe falë formës së përshtatshme, do të jetë i aftë të ecë mbi makina, duke e lënë trafikun të lirë poshtë tij.
Modeli i të ashtuquajturit ‘Transit Elevated Bus’ u prezantua këtë javë në edicionin e 19-të të panairit ndërkombëtar në Pekin ‘High-Tech Expo’.
|