Fluturimi më i shkurtër në botë - nga Toronto deri në Niagara për 12 minuta

Toronto, 16 gusht 2016 (MIA) - Kompania ajrore "Grejter Toronto Ervejs" nga 15 shtatori vendos ofertë të re në programin e saj të fluturimit - fluturim 12 minuta nga aeroporti "Bili Bishol"  në Toronto, deri te aeroporti në Niagara, në liqenin Ontario.

Të gjithë udhëtarët të cilët nga Toronto dëshirojnë t'i vizitojnë Ujëvarat e Niagarës për momentin në dispozicion i kanë vetëm dy opsione - vozitje një orë me automobil ose udhëtim me teleferik në kohëzgjatje prej 90 minutave.

Fluturimi i ri do ta zvogëlojë kohëzgjatjen e udhëtimit në vetëm 12 minuta edhe pse kompania në sajtin e saj për momentin e promovon si udhëtim 15 minuta.

"Dëshirojmë që njerëzve t'u sigurojmë mundësi më të mirë. Kohëzgjatja e fluturimit do të jetë më e shkurtër në mënyrë drastike në krahasim me udhëtimin me automobil ose tren", deklaroi Dejvid Nisam, nënkryetar i kompanisë.

Bileta në një drejtim do të kushtojë 85 dollarë kanadezë.