Seul, 13 tetor 2017 (MIA) - Drejtori kryesor ekzekutiv i Samsungut Kvon Oh-Hium sot herët në mëngjes dha dorëheqje. Kvon (64) përveç drejtor ekzekutiv i Samsungut ka qenë edhe nënkryetar i konglomeratit korean, i cili në tremujoret e fundit shënoi rezultate të jashtëzakonshme dhe fitim rekord. Megjithatë, në dorëheqjen e tij, ai shkroi se kompaninë e lëshon të ballafaquar me "krizë pa precedent, si jashtë, ashtu edhe brenda".
Samsung, edhe krahas rezultateve afariste, është përfshirë nga një skandal të madh korruptues.
Njëherit, Xhej Li, njeriu i parë i kompanisë dhe trashëgimtar i "shefit" shumëvjeçar Li Kun-hea, mban dënim pesëvjeçar me burg për tregti me ndikim. Pas largimit të tij, pritej që pikërisht Kvon ta marrë vendin e tij.
Kvon do të largohet nga Samsungu në mars të vitit 2018, pas 32 vjetëve të kaluara në këtë firmë.