Bon, 10 prill 2018 (MIA) - Prodhuesi gjerman i pajisjeve sportive "Adidas" pret mbyllje të dyqaneve fizike gjatë viteve të ardhshme, në kuadër të riorientimit drejt internet shitjes, kumtoi drejtori ekzekutiv Kasper Rorsted për "Fajnenshëll Tajms".
"Me kalimin e kohës do të kemi më pak dyqane, por do të jenë më të mira", theksoi Rorsted.
Momentalisht "Adidas" ka 2.500 dyqane në mbarë botën dhe 13 mijë dyqane me franshizëm, në të cilat shitet vetëm ai brend.
Drejtori ekzekutiv pret që vitin e ardhshëm të ulet numri i dyqaneve.
"Për ne ueb-faqja është dyqani më i rëndësishëm në botë", shtoi Rorsted.