Los-Anxhelos, 8 qershor 2018 (MIA) - Fejsbuk bëri të ditur se mesazhet personale të 14 milionë shfrytëzuesve katër ditë gabisht janë nxjerrë para opinionit më të gjerë, në periudhën nga 18 e deri më 27 maj.
Incidenti ka ndodhur pas defektit të sistemit kompjuterik, i cili është zbuluar këto ditë, deklaroi Erin Igen, përgjegjëse për çështje të mbrojtjes së privatësisë në Fejsbuk. Ajo shton se problemet tani janë hequr.
Ky gabim ndodh në periudhën ku rrjeti social punon në mënyra të reja në ndarjen e disa elementeve nga profili, si për shembull fotografi dhe video incizime.
"E zgjodhëm problemin dhe prej dje filluam t'i paralajmërojmë shfrytëzuesit e prekur t'i kontrollojnë mesazhet nga ajo periudhë", tha Igen.