Los Anxhelos, 22 tetor 2020 (MIA) – Kompania amerikane “Kruz” njoftoi se në bashkëpunim me pronarin e saj shumicë – korporatën “Xheneral Motors”, do të kërkojë miratimin nga institucionet kompetente për prodhimin e numrit të kufizuar të automjeteve pa timon dhe pedale kontrolli.
Automjeti revolucionar i “Kruz” i quajtur “Origjin” i cili u prezantua për publikun në janar, nuk ka timon ose pedale, por vetëm dy vende të gjera përballë njëri-tjetrit për katër pasagjerë. Xheneral Motors planifikon të fillojë prodhimin e numrit të kufizuar të automjeteve të tilla në fund të vitit 2021 ose në fillim të vitit 2022.
Në të njëjtën kohë, ata njoftuan se do të tërheqin kërkesën e tyre për përjashtim të paraqitur në Ministrinë e Transportit në janar të vitit 2018 e cila i referohet lëshimit të automjeteve të ngjashme të ndërtuara nën projektin e Platformës Shevrolet Bolt.
Nënpresidenti i “Kruz” Robert Grant tha se policia e komunikacionit në Kaliforni javën e kaluar dha dritën për makinë provë pa shofer në San Françisko. bs/fab