Nju Jork, 30 dhjetor 2021 (MIA) - Folësja “e zgjuar” e Amazon, Alexa, i ka rekomanduar një vajze dhjetëvjeçare që të marrë pjesë në një sfidë të rrezikshme, gjegjësisht të shkaktojë goditje elektrike.
Nëna e vajzës, Christine Livald, shpjegoi sfidën: “Karikuesi i telefonit është futur në gjysmë. “Atëherë duhet të vendosni një monedhë në pjesën e karikuesit që ka mbetur jashtë”. Ajo shpjegoi se luante me të bijën, duke përmbushur sfida argëtuese dhe se kjo detyrë ishte tronditëse.
“Menjëherë bërtita ‘Jo, Alexa, jo!’ Por e di që vajzës sime nuk do t’i shkonte ndërmend të përpiqej ta bënte një gjë të tillë”, tha ajo.
Amazon thotë se e ka fshirë sfidën nga baza e të dhënave.
"Besimi i klientit është prioriteti ynë numër një dhe Alexa është krijuar për të ofruar informacion të saktë, të përshtatshëm dhe të dobishëm. Sapo e kuptuam gabimin, morëm të gjitha masat për zgjidhjen e problemit”, thuhet në deklaratë.