Harrojini shëtitjet e gjata për tek printeri i zyrës. Teksa gjithçka po bëhet e lëvizshme dhe thjeshtësisht e transportueshme, printeri mund të jetë objekti i radhës.
Një kompani ka shpikur së fundmi robotin printues revolucionar. Pajisja që mund të futet në xhep, lëviz rreth letrës dhe printon çfarëdolloj informacioni që i ka dhënë përdoruesi. Miniroboti mund të printojë një faqe të tërë për një minutë dhe zgjat rreth një orë me një bateri.
Labs Zuta me bazë në Izrael është kompania që qëndron pas produktit unik. Ata shprehen se shpikja do të revolucionarizojë industrinë e printimit. Tani kompania po kërkon fonde për ta nxjerrë produktin në treg në fillim të vitit 2015. Miniprinteri mund të lidhet me kompjuterin dhe celularët nëpërmjet valëve Bluetooth ose Wireless.