|
 |
Спорт / Формула 1
Рамирез загрижен за „падот на Хамилтон“
 Поранешниот член на Мекларен, Џо Рамирез признава дека ако тој сe уште беше во тимот на позиција ко-ординатор на тимот, ќе беше многу загрижен за падот на формата на Луис Хамилтон. И покрај победата на првата трка од сезоната во Мелбурн, минатогодишниот вицешампион како дебитант беше далеку послаб од својот тимски колега Хеики Ковалаинен во Малезија, пред да направи серија грешки (лош старт, судар со Фернандо Алонсо) и да го освои 13. место во Бахреин пред две недели. Рамирез признава дека не му се верувало кога 22-годишниот Британец влегуваше од грешка во грешка во Бахреин.
"Не сфаќам како направи толку многу грешки", вели 66-годишниот Рамирез.
Мексиканецот се потсетува на зимското тестирање во Херез, каде што Хамилтон беше "концентриран и брз".
"Ако бев одговорен за Мекларен, ќе морав да бидам загрижен за сегашната ситуација. Рон Денис сигурно веќе зборувал со него за тоа. Во последните пет трки, ако се сметаат последните две од 2007, Хамилтон едноставно направи премногу грешки", вели Рамирез.
Тој исто така признава дека оригиналниот план за кариерата на Хамилтон во Мекларен била тој во 2007 година да биде тест-возач, а оваа година да дебитира во тимот, но дека алтернативата на двајца Шпанци во 2007 (Фернандо Алонсо и тест-возачот Педро де ла Роса) ги искомплицирала работите и дека Рон Денис решил да го "забрза" дебито на Британецот.
"Во првите 15 трки од 2007 довербата на тимот во Луис беше целосно оправдана. Но, сега притисокот е голем и никој не смее да заборави дека тој има само 20 ГП трки во кариерата", додава Рамирез.
|
|
|
|
|
![]() |
 |
Пребарување
|
|
|
|
|
|
|
МТnet WEBmail |
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|