Возачот на Мекларен, Хеики Ковалаинен вели дека не се сеќава ништо за неговиот инцидент на Шпанското ГП, откако доби дозвола да замине од болницата во Барселона.

"Имам мала главоболка и укочен врат, но освен тоа се чувствувам добро и ментално и физички. Сега сакам да бидам ОК што е можно побргу да ја поминам медицинската инспекција на ФИА по која ќе можам да се тркам во Турција. Не се сеќавам на ништо од инцидентот и од тоа што се случуваше понатаму", вели 20-годишниот Финец по најтешкиот судар во неговата Ф1 кариера.

Турското ГП, петтото коло од шампионатот се оддржува во Истанбул на 11 мај, и Ковалаинен ќе мора да оди пред ФИА и да докаже дека е подготвен да се натпреварува.

Според Мекларен Финецот, кој водеше во трката кога двете Ферарија и неговиот колега Луис Хамилтон влегоа во боксот, излетал во бариерата од гуми откако имал откажување на предната оска на тркалата. Тој возел околу 240 км/ч кога предната лева гума откажа и удрил во ѕидот со 130 км/ч, а Хеики почувствувал намалување на брзината еквивалентно на 27Г, или 27 пати од неговата телесна тежина.

Според генералниот менаџер на Мекларен, Мартин Витмарш тоа е поголема сила од таа кога се исфрлаш од војнички авион. Инцидентот можеше да има и посериозни последици бидејќи болидот цел се искрши пред да удри во ѕидот. Трикратниот светски шампион Џеки Стјуарт смета дека е чудо што Ковалаинен преживеал.

"Хеики е многу среќно момче. Ако ова се случеше во времето кога ние возевме, немаше шанси тој повторно да оди. Тоа само покажува колку е направено на поле на безбедноста", вели Стјуарт.