|
 |
Спорт / Формула 1
ФИНЕЦОТ ДОБИ ДОЗВОЛА ОД МЕДИЦИНСКИТЕ ЛИЦА НА ФИА
Ковалаинен ќе се трка во Истанбул
 Хеики Ковалаинен ќе може да настапи на Турското ГП овој викенд. Возачот на Мекларен Мерцедес излезе од медицинскиот центар во Истанбул насмеан и на медиумите им покажа дека се е во ред. Ковалаинен беше во несвест откако поради проблеми со тркалото на неговиот Мекларен излета директно во ѕидот од гуми на Шпанското ГП. Болидот беше целосно уништен и Финецот беше среќен што се извлече без поголема повреда.
Но, бидејќи Ковалаинен беше во несвест, тој мораше да оди пред медицинската комисија на ФИА пред петтата трка од шампионатот. Мекларен објавија дека тест-возачот Педро Де Ла Роса е подготвен да го замени Ковалаинен ако тоа е потребно.
"Секако дека сум многу задоволен од одлуката на медицинскиот тим на ФИА. Пристигнав во Турција самоуверен и знаев дека ќе го поминам тестот бидејќи се чувствував 100% подготвен. Да не беше така воопшто немаше да дојдам со тимот и ќе останев дома. Моите подготовки беа добри и имав доста физички вежби. Секако, за тоа што можам да се тркам најзаслужни се сигурносните стандарди на ФИА и момците кои ми помогнаа во Шпанија. Мислам дека инцидентот изгледаше полошо отколку што навистина беше. Имав мала главоболка, но таа веднаш замина", вели Ковалаинен.
Финецот е шести во генерален пласман со најдобар резултат третото место во Малезија.
|
|
|
|
|
![]() |
 |
Пребарување
|
|
|
|
|
|
|
WEBmail |
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|