|
 |
Спорт / Формула 1
Хамилтон задоволен од себеси
 Луис Хамилтон, пак, Турското ГП го опиша како негова најдобра трка во формула 1 и покрај тоа што беше само втор по чудната стратегија на три влегувања во боксот поради загриженост за безбедноста на гумите.
"Ова е можеби најдобрата трка за мене досега", оценува 23-годишниот Британец, кој има 5 победи во 22 трки во кариерата.
Хамилтон мораше да влезе и по третпат во боксот откако Бриџстоун изразија загриженост околу неговата предна десна гума.
"Понекогаш не е важно дали ќе победиш или не, туку дали ќе дадеш 100% од своите можности и дали ќе извлечеш најмногу од болидот. Ова е една од тие трки во кои треба да се прашаш дали можеше да завршиме подобра работа и мислам дека одговорот е не. Влегувањата во боксот беа речиси совршени и мислам дека станувам посилен и посилен во текот на сезоната. Проценките велеа дека ќе завршам на петтото место, така што не можам да бидам незадоволен", вели Хамилтон.
Шефот на тимот, Рон Денис, призна дека Хамилтон морал да оди на три влегувања поради предупредувањата од Бриџстоун, кои велат дека стилот на Британецот поставува премногу притисок на гумата во осмата кривина. Хамилтон на истата кривина лани остана без гума, проблем кој го чинеше најмалку третото место.
"Нема ништо полошо отколку да ти откаже гума при 350 км/ч", вели Хамилтон.
|
|
|
|
|
![]() |
 |
Пребарување
|
|
|
|
|
|
|
WEBmail |
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|