|
 |
Спорт / Формула 1
ЗАВРШИ СУДСКИОТ ПРОЦЕС НА МОЗЛИ ПРОТИВ ВЕСНИКОТ “ЊУЗ ОФ Д ВРЛД”
Пресудата се очекува следната недела
 Приватната тужба на првиот човек на Светската автомобилистичка федерација (ФИА), Макс Мозли, против весникот “Њуз оф д ворлд” ќе добие своја пресуда идната недела во Врховниот суд во Лондон.
“Се надеваме дека ќе имаме финална одлука до средината на идната недела”, изјави лондонскиот судија Дејвид Иди откако сите инволвирани странки во случајот го дадоа својот последен збор.
Мозли, кој беше нападнат во весникот за наводно впуштање во сексуална оргија со пет платени девојки, со наводни садо-мазохистички тонови и нацистички колорит на местото на одржување на односите. Поради овие написи беше побарано тој да си замине од позицијата на челник на ФИА, но Мозли го одби тоа и сега бара отштета за написите за кои вели дека имаат неколку тенденциозно фабрикувани моменти на негова сметка.
Инаку, судењето во исцрпни детали е следено од најпрестижните британски весници, при што многу опсерватори очекуваат победа во овој судски процес и пресуда во корист на синот на поранешниот британски фашистички лидер Освалд Мозли.
Лондонскиот судија Иди истакна дека доколку Мозли го добие овој случај, тоа ќе биде правен прецедент во односите на приватната слобода против слободата на медиумите.
|
|
|
|
|
|
 |
Пребарување
|
|
|
|
|
|
|
WEBmail |
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|