|
 |
Спорт / Формула 1
Мозли ќе добие отштета од 70.000 евра
 Претседателот на Светската автомобилистичка федерација, ФИА, Макс Мозли, на суд го доби спорот против британскиот таблоид "Њуз оф д ворлд".
Судењето дојде откако таблоидот на почетокот на оваа година објави дека првиот човек на ФИА учествувал во "нацистичка оргија со проститутки", при што обеа објавени и фотографии. По тужбата на Мозли, одлуката на лондонскиот суд вели дека британскиот таблоид мора да му плати на Мозли отштета во висина од 70.000 евра.
Мозли по објавувањето на текстот и фотографиите во таблоидот, призна дека ги користел услугите на неколку проститутки во еден подрум во Лондон, но негираше дека користеле нацистички обележја во било каква конотација.
Функционерот на ФИА, пред судот истакна дека има склоности кон садомазохизам, но дека идејата за користење на нацистичките симболи му е одвратна. Тој во последните неколку месеци по објавувањето на сторијата, беше под жесток притисок да ја напушти челната функција во светскиот автомобилизам, но сепак не сакаше да го стори тоа и во иднина ќе остане на тоа место.
Инаку, Макс Мозли е син на поранешниот лидер на британските фашисти, Освалд Мозли, на кому гостин на свадбата во 1936 година му бил никој друг туку лично Адолф Хитлер. За време на Втората светска воја, владата на британскиот премиер Винстон Черчил го држела Освалд Мозли во куќен притвор.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|