|
 |
Спорт / Формула 1
Ферари по победа во Унгарија
 Шефот на Ферари, Стефано Доменикали, е човек кон кого морате да имате симпатии. Скудерија ја прегази конкуренцијата на Француското ГП со доминантна 1-2 победа и покрај скршениот ауспух на Кими Раиконен, но само две трки подоцна печатот упорно оди со насловните страници: "Ферари во криза".
Толку е потребно за криза во формула 1 - две слаби трки. Но, Ферари се уште имаат предност во пласман на конструктори и нивните двајца возачи се поблиску до Луис Хамилтон во генерален пласман отколку што беа пред последната трка лани, Бразилското ГП.
Но, ако Ферари беа навистина во дефанзива, една трка на која не сакаа да доаѓаат е Унгарското ГП. Хунгароринг е иста трка со Монако, но без гламурот, историјата и возбудата и со само едно место за претекнување. Но, за разлика од Монако каде што има бариери кои не признаваат грешки, во Унгарија има доволно место за корекции. Зошто оваа трка останува на календарот? Можеби затоа што главната улица до патеката се вика Берни Еклстоун авенија.
Унгарија е остра патека која ги "јаде" гумите и иако Мекларен ќе бидат сигурно брзи таму (како во Монако), температурите и трошењето на гумите ќе бидат далеку поголеми. Ферари се грижат за своите гуми во 2007, Мекларен не. Но, на неодамнешното тестирање во Херез, каде што има слични услови, Ферари беа далеку од првите места.
Трките на дожд создаваат услови за израмнување, но како што се виде во Силверстоун, Ферарито е многу потешко да се контролира на влажна патека. Унгарското ГП во 2006 година беше епска трка во која победи Џенсон Батон на дожд и за неутралните фанови кои не сакаат да гледаат во стратегијата со гориво, тоа ќе биде единствена надеж за интересна трка.
Поради тесната патека, Ф1 специјалистите кои се добри на улиците во Монако можат да блеснат. Јарно Трули, Фернандо Алонсо и Марк Вебер би требало да влезат во третите квалификации.
Ако Мекларен сакаат 1-2 победа оваа година ова можеби е нивната најдобра шанса. Луис Хамилтон е во форма по одличните трки во Британија и Германија, а Хеики Ковалаинен е охрабрен со новиот договор. Вистинската битка ќе се води в сабота кога ќе се одредува текот на трката.
ГЕНЕРАЛЕН ПЛАСМАН
ВОЗАЧИ
1.Луис Хамилтон (Мекларен) 58
2.Фелипе Маса (Ферари) 54
3.Кими Раиконен (Ферари) 51
4.Роберт Кубица (БМВ) 48
5.Ник Хајдфелд (БМВ) 41
6.Хеики Ковалаинен (Мекларен) 28
7.Јарно Трули (Тојота) 20
8.Марк Вебер (Ред Бул) 18
9.Фернандо Алонсо (Рено) 13
10.Рубенс Баричело (Хонда) 11
11.Нелсон Пике Јуниор (Хонда) 10
12.Нико Розберг (Вилијамс) 8
13.Казуки Накаџима (Вилијамс) 8
14.Дејвид Култхард (Ред Бул) 6
15.Себастијан Фетел (Торо Росо) 6
16.Тимо Глок (Тојота) 5
17.Џенсон Батон (Хонда) 3
18.Себастиен Бурде (Торо Росо) 2
ТИМОВИ
1.Скудерија Ферари 105
2.БМВ Заубер 89
3.Мекларен Мерцедес 86
4.Тојота Панасоник 25
5.Ред Бул Рејсинг Рено 24
6.Рено Ф1 23
7.Вилијамс Ф1 Тојота 16
8.Хонда Ф1 14
9.Скудерија Торо Росо Ферари 8
-.Форс Индија Ф1 Ферари 0
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|