|
 |
Спорт / Формула 1
Ферари не смее да си дозволи нови грешки
 Фелипе Маса вели дека Ферари не смеат да си дозволат да "фрлат" поени како на Унгарското ГП. Бразилецот ја имаше можеби неговата најдобра трка во формула 1, кога на три круга пред крајот страдаше од откажување на моторот кое му ја одзеде сигурната победа во Хунгароринг. Фрустрираниот Маса признава дека не му се верувало.
"Не сакам да го заборавам Унгарското ГП бидејќи на некој начин тоа беше една од најдобрите трки кои сум ги имал во формула 1, но не заврши како што требаше со победа. Вистинска штета бидејќи мислам дека ја заслуживме победата - со совршена трка во вистински момент во шампионатот. Кога откажа моторот имав чудно чувство. Како да бев во кошмар и сакав да се разбудам, но не можев. Неверојатно разочарување. Овој спорт навистина знае да биде суров", вели Маса.
И покрај откажувањето Маса е на само 8 поени зад лидерот во генерален пласман Луис Хамилтон во Мекларен и вели дека останува смирен, но дека Ферари не смеат да продолжат со грешките.
"Гледајќи на генералниот пласман, можам да бидам смирен бидејќи не победи ниту Луис, но не смееме да фрламе поени вака. Загубивме 10 поени, но барем покажавме дека сме силни. Работевме напорно на болидот, но мораме да решиме некои проблеми - да бидеме конкурентни како во Будимпешта, но да бидеме и стабилни. Одредени грешки не смееме да ги повториме - немаме веќе изговори", предупредува Маса.
Неговиот тимски колега, Кими Раиконен беше трет на трката во Унгарија, и сега признава дека е добро време за мал одмор пред уличната трка во Валенсија за три недели.
"Кратката пауза доаѓа во вистинско време. Мораме да ги наполниме батериите по шест месеци напорна работа за да бидеме подготвени за последните трки од сезоната. Ситуацијата во шампионатот не е толку лоша како што изгледа", вели Финецот.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|