|
 |
|
Спорт / Формула 1
|
|
Единствениот предизвик на Валенсија
Европското ГП не е нова трка на Ф1 календарот, но оваа година оваа трка ќе биде голем предизвик. Од воведувањето во 1983 година, трката се одржуваше во Донингтон парк, каде што Аиртон Сена победи во неверојатна влажна трка, потоа во Брендс Хеч, Нирнбургринг и Херез.
По 25 години, Валенсија добива шанса да организира трка од која се очекува да биде неверојатен спектакл околу пристаништето на градот, каде што минатата година се одржуваше елитната трка во едрење, Америка Купот.
Патеката е долга 5,44 километри има 25 кривини и на неа ќе се возат 57 круга пред околу 110.000 фанови. Патеката е далеку поинаква од таа во Монако, каде што се вози на тесни кривини, на кои е речиси невозможно да се претекнува. Се очекува кругот да биде околу 1:37, а и многу шанси за претекнување.
Со фантастичните песочни плажи на неколку метра и еден од најживите европски градови во позадина, освен убавите слики се очекува и добра трка. Од стартно-целната рамнина, доаѓа остра десна кривина до Груа Кабриа, каде што ќе се помине на метри од јахтите во пристаништето.
ВОЗАЧИТЕ ВООДУШЕВЕНИ ОД ПАТЕКАТА
Асот на Хонда, Џенсон Батон ја подели возбудата од тркањето во Валенсија.
"Мислам дека сите во формула 1 се возбудени што доаѓаме тука. Имаме симулатор во нашата база во Британија, но таму не можеш да го доживееш вистинското мислење за патеката. Имаме брзи патеки на програмата како Монца, Спа и Силверстоун, а тука се и бавнитетрки како Монако и Унгарија. Валенсија е некаде во средина", вели Батон.
Покрај возбудата на нова патека во Валенсија и поените ќе се многу важни, со тројцата возачи кои се борат за титулата, Луис Хамилтон во Мекларен и Кими Раиконен и Фелипе Маса во Ферари одвоени со само 8 поени. Хамилтон е импресиониран.
"Навистина фантастично завршена работа. Се изгледа прекрасно и едвај чекам да возиме", вели Хамуилтон.
И Маса вели дека ќе биде интересно.
"Мислам дека ова е добра и интересна патека. Многу поразлично отколку што сме навикнати. На некои кривини наликува на Монако, но рамните делови се слични со Бахреин", вели Маса.
ГЕНЕРАЛЕН ПЛАСМАН
ВОЗАЧИ
1.Луис Хамилтон (Мекларен) 62
2.Кими Раиконен (Ферари) 57
3.Фелипе Маса (Ферари) 54
4.Роберт Кубица (БМВ) 49
5.Ник Хајдфелд (БМВ) 41
6.Хеики Ковалаинен (Мекларен) 38
7.Јарно Трули (Тојота) 22
8.Фернандо Алонсо (Рено) 18
9.Марк Вебер (Ред Бул) 18
10.Тимо Глок (Тојота) 13
11.Нелсон Пике Јуниор (Рено) 13
12.Рубенс Баричело (Хонда) 11
13.Нико Розберг (Вилијамс) 8
14.Казуки Накаџима (Вилијамс) 8
15.Дејвид Култхард (Ред Бул) 6
16.Себастијан Фетел (Торо Росо) 6
17.Џенсон Батон (Хонда) 3
18.Себастиен Бурде (Торо Росо) 2
КОНСТРУКТОРИ
1.Скудерија Ферари 111
2.Мекларен Мерцедес 100
3.БМВ Заубер 90
4.Тојота Панасоник 35
5.Рено Ф1 31
6.Ред Бул Рејсинг Рено 24
7.Вилијамс Ф1 Тојота 16
8.Хонда Ф1 14
9.Скудерија Торо Росо Ферари 8
10.Форс Индија Ф1 Ферари 0
|
|
|
|
|
 |
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|