Хамилтон помина прв низ целта на патеката Спа, Белгија, но заради казната од 25 дополнителни секунди, победата му беше одземена.

Луис ја заработи казната заради недозволено сечење на патеката на Раиконен во последната шикана. Со казната, Хамилтон се смета дека завршил на трето место.

Иако Раиконен доминираше се додека не заврна, не успеа да го издржи темпото на Хамилтон, па пред крај на трката, Британецот успеа да го мине.

Потоа, актуелниот шампион, Раиконен на само два круга до крајот излета од патеката и остана без бодови.
 
Зад Хамилтон на подиумот се најдоа Фелипе Маса од Ферари и Ник Хајтфелд од БМВ Заубер, но сметајќи ја казната вистинскиот редослед е Маса, Хајтфелд, Хамилтон.

По големата награда на Белгија, на табелата води Хамилтон со 76 бодови, Маса 74, Кубица 58, па Раиконен 57.