|
 |
Спорт / Формула 1
|
|
ФИНЕЦОТ ПРИЗНАВА ДЕКА ПОТФРЛИЛ ВО ВТОРАТА ГОДИНА СО ФЕРАРИ
Кими: "Ова не е мојата година"
 Актуелниот формула 1 шампион, Кими Раиконен, признава дека не може да ја го објасни "темниот период" оваа сезона. Асот на Ферари призна дека можноста да го сруши сопствениот рекорд за најмногу брзи кругови оваа сезона е "безвреден".
Раиконен има само теоретски шанси да ја одбрани титулата на последните три трки во оваа сезона, а многумина сметаат дека тој не изгледа како возачот од минатата сезона победувајќи само двапати, од кои последен пат во април во Шпанија.
Покрај ова, тој се наоѓа во ситуација да му помогне на својот тимски колега Фелипе Маса, од кого оваа година на квалификациите губи со 4-11, и секоја трка од Хокенхајм во јули. Излетувањето од петтото место на Сингапур ГП трката во неделата на четири круга пред крајот беше четврта трка по ред на која тој не освојува поени. Резултатот е јасен - тој заостанува 27 поени во генерален пласман со само 30 преостанати за освојување.
"Тешко е да се пронајдат вистинските зборови. Дали се тркаме преку ден или навечер, ова дефинитивно не е моја година. Во Сингапур удрив во ѕидот на неколку круга пред крајот. Вистина, не се борев за победа, но за важни поени за тимот. Во овој момент можам да се надевам само на викенд на кој се ќе оди во вистински правец", признава Финецот.
Раиконен повторно се мачеше со проблеми со сет-апот и со управувањето на Ф2008 болидот во Сингапур, по што не успеа да најде ритам на почетокот на трката поради низок притисок во пневматиците. Потоа откако ја најде брзината и ја намали разликата на второпласираниот Луис Хамилтон, трката беше фрлена во хаос со излегувањето на сигурносното возило, по што тој мораше да чека во боксот да заврши катастрофалното влегување на Фелипе Маса.
"Успеав да стигнам до петтото место и во тој момент заглавив зад Тимо Глок. Го чекав вистинскиот момент да го поминам и тогаш удрив на шиканата и загубив контрола. Трката беше завршена. Повторно ја имав брзината во Сингапур, но не кога беше потребно. Најбрзите кругови не значат ништо ако се споредат со ваквата ситуација. Жал ми е за тимот бидејќи толку напорно работеа на Ф2008. Не можам да го објаснам овој црн период и не можам да сменам ништо", вели Раиконен.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|