|
 |
Спорт / Формула 1
|
|
Канадското ГП исфрлено од календарот за 2009
 Северна Америка нема да има формула 1 трка следната година, откако Светскиот Моторспорт Совет (ВСМЦ) на ФИА реши да го исфрли Канадското ГП на патеката Жил Вилнев од новиот календар за 2009. Не е дадена причина од страна на ФИА, но трката во Монтреал беше голем фаворит кај тимовите, спонзорите и возачите, предходно беше "комбинирана" со Американското ГП во Индијанаполис, трка која беше изоставена од календарот оваа сезона. Ова е првпат Монтреал да нема формула 1 трка од 1987 година, откако повремено се оддржуваа трки од 70-тите години.
Според овој ревидиран календар има 18 трки и се враќа тринеделната летна пауза за тимовите со поместувањето на Турското ГП од август за да го пополни местото на Канада на 7 јуни. Место 19 трки, што би било израмнување на рекордот, шампионатот останува на 18.
Белгиското ГП во Спа-Франкоршамп е поместено од септември на 30 август, еден викенд по Европското Гп во Валенсија. Италијанското ГП во Монца сега ќе го земе местото на Белгија на 13 септември. Сите други датуми останаа исти со календарот објавен во јуни, со старт на сезоната во Австралија на 29 март и со деби на Абу Даби ГП трката како последна трка од сезоната на 15 ноември.
МОЗЛИ ДОБИ ПОДДРШКА ДА СЕ ДОГОВАРА СО ФОТА
Светскиот моторспорт совет (ВСМЦ) кој се сретна во Париз во вторникот исто така се договори претседателот на ФИА, Макс Мозли, да добие власт да преговара со Асоцијацијата на формула 1 тимови (ФОТА) околу имплементацијата на "радикални мерки за да се оствари големо намалување на трошоци во спортот од 2010.
"Без договор со ФОТА, ФИА сама ќе ги имплементира потребните мерки за оваа цел. Исто така се дозволи едногласно формула 1 тимовите да ги израмнат перформансите на моторите за 2009, пред да се воведат мерките во 2010", се вели во соопштението на ФИА.
Покрај ова, Марко Пичинини, заменикот претседател на ФИА, кој ја претставуваше организацијата на трката во Монте Карло оваа година по секс-скандалот на Макс Мозли, ќе си замине една година пред крајот на мандатот, а ФИА објави дека ќе се избере нов потпретседател.
Во исто време Мозли, кој по скандалот кој се објави во британските медиуми мораше да добие гласање за доверба во април, најави дека ќе се повлече во октомври следната година кога неговиот мандат завршува. Минатиот месец тој призна дека е под притисок на членовите да остане во ФИА.
КАЛЕНДАР НА Ф1 ШАМПИОНАТОТ 2009
29 март Австралиско ГП Мелбурн
5 април Малезиско ГП Сепанг
19 април Бахреин ГП Сакир
10 мај Шпанско ГП Барселона
24 мај Монако ГП Монте Карло
7 јуни Турско ГП Истанбул Парк
21 јуни Британско ГП Силверстоун
28 јуни Француско ГП Мањи-Кур
12 јули Германско ГП Нирнбургринг
26 јули Унгарско ГП Хунгароринг
23 август Европско ГП Валенсија
30 август Белгиско ГП Спа-Франкоршамп
13 септември Италијанско ГП Монца
27 септември Сингапур ГП Марина Беј
11 октомври Јапонско ГП Сузука
18 октомври Кинеско ГП Шангај
1 ноември Бразилско ГП Интерлагос
15 ноември Абу Даби ГП Абу Даби
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|