На иницијатива на претседателот на Владата на Република Македонија Никола Груевски, на денешната седница Владата ќе донесе одлука за награда на членовите на кошаркарската репрезентација, заради постигнатите успеси на Европското првенство во Литванија.
Репрезентацијата на Македонија со четири победи и само еден пораз, како првопласирана во групата „Ц“ в четврток ги продолжува натпреварите во следната фаза на кошаркарското Европско првенство.
Во досегашното натпреварување совладани беа селекциите на Хрватска, Грција, Финска и Босна и Херцеговина, а избраниците на Марин Докузовски го изгубија само првиот натпревар против Црна Гора.
Во новоформираната група, првиот меч Македонија-Грузија се игра на 8 септември (четврток) во 14:30 часот, дуелот со Словенија е на 10 септември (сабота) во 17 часот и против Русија македонските кошаркари играат на 12 септември (понеделник) во 20 часот.