На кошаркарското Европско првенство кое се одржува во Литванија, денеска на програмата се три натпревари.
Словенија - Литванија е двојката која ќе игра од 14 часот и 30 минути за пласман од 5-8 место.
Во Каунас ќе се играат и последните две четвртфинални средби. Од 17 часот Франција ќе игра со Грција, а од 20 часот Русија ќе игра со Србија.
Македонија следниот дуел ќе го одигра утре, во полуфиналето од 16 часот и 30 минути противник на „црвено-жолтите“ ќе биде репрезентацијата на Шпанија.