Стратегот на Баерн Минхен, Жозеп Гвардиола, го даде својот список со фудбалери кои посакува да ги види во тимот во новата сезона. На него има петмина што треба да бидат донесени во текот на летото.
Двајца од играчите настапуваат во Англија. Се работи за Рахим Стерлинг од Ливерпул и за Анхел ди Марија од Манчестер Јунајтед. Првиот е многу скап, додека вториот дефинитивно е добра опција, но прашање е дали ќе сака да игра во Германија.
Другите тројца фудбалери се Антоин Гризман (Атлетико Мадрид), Кевин де Бруин (Волфсбург) и Фелипе Андерсон (Лацио).