Новиот фудбалер на Реал Мадрид, Данило се повреди пред почетокот на Копа Америка, па селекторот на Бразил, Дунга, мораше да направи измена во составот. На местото на Данило е повикан Дани Алвес, кој имаше одличен финиш од сезоната со Барселона.
„Алвес веќе работеше со мене за време на Копа Америка во 2007 година. Тој е искусен фудбалер кој уште еднаш ја освои Лигата на шампионите. Со него добиваме многу. Тој е играч кој одлично се снаоѓа при слободните удари. Алвес ни беше потребен и драго ми е што ќе го имаме во тимот на овој турнир“, изјави Дунга.
Покрај тоа, Алвес веќе ја продолжи соработката со Барселона и затоа се наоѓа и во одлично расположение и има неверојатен мотив така што ќе биде од голема корист за селекцијата на Бразил.
Инаку, ова ќе му биде трето учество на Алвес на Копа Америка бидејќи играше и во 2007 и во 201 година.