Како што беша најавено, Мемфис Депај потпиша договор со екипата на Манчестер Јунајтед, а тој ќе биде на четири години плус една. Тој вчера беше претставен така што сега може да го очекува стартот на подготовките и на контролните средби за да дебитира за „ѓаволите“.
„Овој трансфер го исполни мојот сон. Добив можност да играм за најдобриот клуб во светот и исто така да работам со најдобриот менаџер. Според мене, Луис ван Гал е најдобриот во светот. Верувам во моите квалитети и ќе работам силно за да ги исполнам комплетно моите соништа. Сакам да им се заблагодарам на сите во ПСВ бидејќи таму бев од своите 12 години и постигнав многу. Сепак, беше време да си заминам“, вели Депај.