Кристијано Роналдо, конечно, реши да го прекине неколкумесечниот молк кон новинарите и да стави крај на шпекулациите дека ќе си замине од Реал Мадрид. Португалецот молчеше од март, кога Реал загуби од Шалке, но се пласираше во четвртфиналето во Лигата на шампионите. Сезонава заврши како прв стрелец во Примера, но со „кралевите“ не се израдува на ниту еден трофеј. Токму затоа почнаа шпекулации околу евентуалното негово заминување од „Сантијаго Бернабе“.
„Доста беа шпекулации. Сакам малку да одморам во мир. Пишуваше дека имало конфликт меѓу мене и Реал Мадрид, но тоа апсолутно не е точно. Многу сум среќен во клубот кој е најдобар во цел свет. Сега сакам да се фокусирам на новата сезона и се надевам на успех“, рече Роналдо, кој се поврзуваше за можно враќање во некој тим во Англија.