Новиот клуб на чешкиот интернационалец е ривалот Арсенал, со кого потпиша тригодишен договор.
Овој потег беше најавен уште пред неколку дена, а вчера доби и официјална потврда. Трансферот изнесува 11 милиони фунти, а се шпекулира дека „топчиите“ ќе му плаќаат на фудбалерот по 100.000 фунти неделно.
Чех прифати да се пресели во Арсенал затоа што Венгер му гарантира место во првиот тим.
- Навистина сум возбуден што станав нов член на Арсенал и со нетрпение го очекувам стартот на подготовките. Со оглед на тоа што станува збор за нов клуб во мојата кариера, го чувствувам истиот глад за успеси како на почетокот. Венгер успеа да ме убеди да дојдам говорејќи ми за своите амбиции претстојната сезона и немав дилеми дека сакам да се придружам, изјави чешкиот голман.
Своето официјално деби, чешкиот голман ќе го забележи на 2 август, на натпреварот од Супер-купот на Англија, токму против поранешниот клуб Челзи.