Кристијано Роналдо треба да биде навистина среќен бидејќи неговиот 5 –годишен син веќе ги прави сите фудбалски движења кои ги прави тато.
За неколку години и со малку вежбање момчето лесно може да ја наследи традицијата и да влезе во светот на фудбалот.
Кристијано Јуниор покажува невиден талент со топката, па нема сомневање дека го очекува блескава фудбалска кариера.
-Синот ми е најважен во животот. Би сакал да тргне по моите стапки и да стане фудбалер, но во суштина тој сам ќе избере што сака да стане, во една прилика изјави Кристијано.
Освен тоа што одлично се снаоѓа со топката, Јуниор е совршен и со јазиците. Уште сега знае португалски, шпански и англиски, па ако не го избере фудбалот нема да има проблем да се вклопи и во друга подеднакво интересна професија.