Херојот на Вардар воздржан, умерен и нормално насмеан. Секогаш со истиот тој поглед кога ќе има одличен натпревар, кога ќе биде спасител:
„Ова е успех на целиот тим, а не само мој“, беа првите зборови на „сторакиот“ Пачовски, кој спаси барем 4-5 гола и победа на АПОЕЛ.
„Сепак, ова е меч на кој изгинавме. На кој собравме сили и издржавме. Сега меракот ми е голем. Голем затоа што тие гнасни провокации од трибините ни дадоа мотив. Но ние завршивме тука. Ние имаме 0:0, а тие сега доаѓаат во Македонија и во нашиот пекол. Е сега ни треба поддршка, публика и победа за да биде сѐ како што треба. Ништо не е готово...“, изјави Пачовски.