Мајсторот за голови на Работнички, Баже Илијоски повторно проработе кога беше најпотребно, со неговиот погодок „романтичарите“ го урнаа Трабзонспор.
Работнички направи голем чекор кон продолжување на европскиот сон, благодарение на капитенот, Баже Илијоски. Со неговиот погодок во 23. минута „романтичарите“ го добија првиот дуел од 3. квалификациско коло во Лигата на Европа.
- Супер одигравме, пресреќен сум од победата. Можеме да жалиме што таа победа не беше резултатски повисока изразена од овие 1:0. Но, и вака може да бидеме задоволни бидејќи победивме голем тим и се надевам на добар резултат и во реваншот и на наше минување во следното коло. Јас моите ветувања ги исполнувам, пред натпреварот ветив гол и дадов гол на радост на публиката на Арената ’Филип Втори’.