Фудбалерите на Работнички ја продолжија серијата победи на домашен терен во квалификациите од Лига Европа и тоа без примен гол. По Флора и Јеглава, падна и турскиот тим Трабзон. Работнички синоќа во рамките од првиот дуел од третото коло победи со 1:0 со голот на Блаже Илијоски.
За тренерот на „романтичарите“ Игор Ангеловски ова е одличен резултат.
- Секако дека сум задоволен од постигнатиот резултат. Ова е одличен резултат за Работнички и за македонскиот фудбал. Да оствари победа над една екипа која чини 105 милиони евра можат само добри фудбалери. Горд сум на моите фудбалери и можеби се уште не сме свесни кого победивме вечерва, истакна Ангеловски.
Според него Трабзон и натаму е фаворит.
- Ќе се обидеме ние да бидеме тие што ќе се пласираат во плеј офот,
што се однесува до реваншот, турскиот тим и натаму е фаворит за пласман во следната рунда, односно плеј-офот, но тренерот на Работнички ветува уште една голема борба, додаде Ангеловски.
На прашањето што мисли за ставот на тренерот на Трабзон, Шота Арвеладзе дека Трабзон ќе победи на реваншот, а Ангеловски одговори: Нека победат 2:1.
Реванш натпреварот меѓу Трабзон и Работнички се игра на 6.август.