Германскиот бундеслигаш Борусија Дортмунд планира да продаде тројца играчи до крајот на месецот. Новиот тренер на „милионерите“, Томас Тухел, посочи некои играчи кои не се вклопуваат во неговите планови за тимот и ќе мора да си заминат од „Сигнал Идуна Парк“.
На листата на непотребни се Јакуб Блашчиковски, Кевин Гроскројц и Мориц Лајтнер. Овие тројца не беа во составот на тимот кој убедливо победи против Борусија Менхенгладбах, на стартот во Бундеслигата. Сепак, од Борусија велат дека не планираат да ги пуштат како слободни играчи туку ќе бараат пари за оштета за нивно заминување. За полскиот репрезентативец Блашчиковски се интересираат Шалке и Ајнтрахт, додека засега за Гроскројц и Лејтнер нема понуди.
„За секој наш играч кој ќе си замине мора да се плати одредена сума за раскин на договорот. Ниту еден нема да може да си замине за без пари“, рече извршниот шеф на Борусија, Ханс-Јоаким Вацке.