Колумбискиот репрезентативец Хуан Квадрадо беше пречекан од илјадници тифози на Јувентус при слетувањето во Торино. Фудбалерот е веќе член на Јувентус, а ќе игра под наем на една година додека Челзи за зделката ќе добие 1,5 милиони евра.
„Не очекував таков пречек но веднаш ја почуствував топлината на луѓето во Италија. Овде ме сакаат и се чувствувам среќен. Ентузијазмот на тифозите ме радува и ќе ми даде сила да играм добро. Јувентус е прекрасен клуб, еден од најдобрите во Европа“, изјави Квадрадо кој по само неколку месеци се враќа во Италија.
Претходно крилниот фудбалер го носеше дресот на Фиорентина каде што имаше успешни настапи, но во Челзи тотално се загуби. Сега во новиот клуб се надева на враќање на формата.
„Со Божја помош ќе ја вратиме титулата. Ќе дадам 100% од себе, а тренерот ќе реши дали ќе играм. Јас сум подготвен и физички и психички да се носам со притисокот“, вели Квадрадо.