Вчера попладнето се одигра четвртата рунда натпревари од шампионатот во Првата македонска фудбалска лига којшто донесе победи на домаќините на три од четирите натпревари. Фаворитите Вардар, Силекс и Шкендија остварија нови победи, а Турново извлече бод на гостувањето кај Шкупи со гол од пенал во 90. Минута.
Најубедлива беше Шкендија којашто триумфираше со 5:1 против Брегалница, Вардар победи минимално против Металург со 1:0, голот од пенал го постигна Дејан Блажевски во 19. минута.
Со гол од пенал победи и Силекс којшто славеше против Ренова со 1:0. Стрелец на единствениот погодок од белата точка беше Игор Недељковиќ.
Вардар и Силекс ја продолжија трката на врвот со по 10 бодови, а веднаш зад нив е Шкендија со 9 бодови по четири одиграни кола натпревари.
РЕЗУЛТАТИ – ПРВА ЛИГА, 4. КОЛО
ВАРДАР – MЕТАЛУРГ 1:0
ШКЕНДИЈА – БРЕГАЛНИЦА 5:1
СИЛЕКС – РЕНОВА 1:0
ШКУПИ – ХОРИЗОНТ Турново 1:1
МЛАДОСТ ЦД – РАБОТНИЧКИ – Одложена
ТАБЕЛА: Вардар 10 бода, Силекс 10, Шкендија 9, Шкупи 6, Хоризонт Т. 5, Работнички(-2) 3, Брегалница 3, Младост ЦД(-1) 3, Металург 1, Ренова(-1) без бодови. јд/18:51