Фудбалерот од средниот ред на Милан Кејсуке Хонда ја критикуваше политиката на што ја води клубот и истакна дека треба нешто радикално да се смени за да се надмине долгогодишна криза во која се наоѓаат „росо-нерите“.
- Проблемите се секогаш исти. Ако ние не научиме ништо од поразите, значи дека ние сме многу далеку од обнова на клубот. Гледајќи ја минатата година, мислам дека јасно е дека не се инвестира многу пари како тоа што го прават Париз Сен Жермен и Манчестер Сити. Или ќе го правите тоа или ќе морате да ја преиспитате структурата на клубот. Директор, тренер и навивачите мора да ја разберат состојбата, рече Хонда.
Јапонски интернационалец не се согласи со тренерот Синиша Михајловиќ дека само играчите се виновни за лошите резултати на почетокот на сезоната.
- Нема смисла да се обвинуваат играчите. За промени потребно е радикално да се смени оценувањето на директорите, тренерот, навивачите и медиумите. Знам дека ќе бидам критикуван поради овие зборови, но тие се важни за иднината на клубот, додаде Хонда.
Милан по седум рунди во Серија А е на 11.место со три победи и четири порази.