Репрезентацијата на Шведска лани го пропушти Светското првенство откако беа елиминирани во бараж дуелот со Португалија. Сега „викинзите“ повторно грчевито се борат да не го пропуштат и Европското првенство во Франција, следната година. Шведска моментно е на третото место во групата, но со шанси на крајот да биде на посакуваното второ место. Тие вечерва гостуваат кај Лихтенштајн, а потоа ја пречекуваат Молдавија. Капитенот и првата ѕвезда во тимот, Златан Ибрахимовиќ верува во успех и дека за неколку дена ќе прославуваат за „визата“ за евро завршницата.
„Против Лихтенштајн не треба да се натпреваруваме да дадеме што е можно повеќе голови, туку едноставно да ги освоиме трите бода. Сеедно е дали ќе победиме со 1:0 или со 5:0. Потоа играме на свој терен и пак треба да освоиме три бода“, оптимистички рече Ибрахимовиќ, кој има 57 гола во 107 настапи за репрезентацијата на Шведска.