Менаџерот од Челзи, Жозе Мурињо, дал согласност на крајот од договорот на Луис ван Гал во мај во 2017 година да го преземе водењето на Манчестер јунајтед.
Ваквата вест пристига од медиумите специјализирани за фудбал, но нема потврда од ниту една страна така што останува да се види колку има вистина во оваа вест.
Мурињо беше во плановите на Јунајтед пред да се врати во Челзи, но тогаш Абрамович беше побрз и успеа да го врати во клубот во кој работеше и порано.
Во моментов Жозе е во тешка ситуација и сигурно не му е до потврдување или демантирање на информацијата преселба во Манчестер Јунајтед во 2017 година, па затоа сè останува само на вестите кои ги објавуваат медиумите.
МАНЧЕСТЕР ГО КУПУВА АЛЕКСИС САНЧЕЗ
Луис ван Гал планира да му зададе удар на Арсенал со купување на Алексис Санчез, кој сезонава заедно со Озил е еден од најдобрите во таборот на „топчиите“. Холанѓанецот планира да плати 50 милиони фунти за да го убеди и да го донесе во клубот, но останува да се види дали тоа ќе биде доволно за Венгер да реши да го ослободи уште во јануари.
И покрај тоа сосема извесно е дека при ваков трансфер Арсенал ќе загуби многу бидејќи се работи за играч кој е во одлична форма и од кого зависат многу работи во играта.
Од друга страна и Реал Мадрид посакува да го види во своите редови за да може да ѝ зададе удар на Барселона, но тоа е тешка мисија, па затоа доколку Алексис си замине од Арсенал поголема е веројатноста дека ќе се пресели во Манчестер Јунајтед.