ФИФА ја одби жалбата на претседателот на Светската фудбалска федерација, Сеп Блатер, и првиот човек на УЕФА, Мишел Платини. Двајцата во октомври беа суспендирани од Етичката комисија на ФИФА поради вмешаност во финансиски малверзации.
Двајцата велат дека не направиле ништо лошо и дека ќе се жалат со Арбитражниот суд во Лозана.
„Претседателот Блатер е решен да си го исчисти името и сака да докаже дека не е виновен“, изјави адвокатот на Швајцарецот, Ричард Кулен.
Блатер победи во претседателската трка, но потоа се откажа, додека Платини се пријави како кандидат за нов претседател на ФИФА, но неговата кандидатура е на чекање поради финансискиот криминал.