Раководството на Реал Мадрид веднаш по поразот од Барселона донесе одлука за доделување отказ за тренерот, Рафаел Бенитез, а неизвесно е само кога ќе мора да ја напушти клупата.
Со оглед на незадоволството, постои веројатност дека тоа може да се случи уште во текот на оваа недела или евентуално при следниот кикс. Сепак, доколку падне одлука да ја доработи сезоната тогаш ќе има уште поголемо незадоволство кај Роналдо и колегите.
Додека се размислува за времето на врачувањето на отказот веќе се споменува кој ќе седне на местото на Бенитез. Прв кандидат е Зинедин Зидан, кој во моментов работи во втората екипа на Кралскиот клуб.